ಅಂಗೈಯಲ್ಲಿ ಆರೋಗ್ಯ :- ಅರಿಶಿನ ಭಾಗ – 4

22. ಉಗುರುಸುತ್ತು: ಅರಿಶಿನದ ಪುಡಿಗೆ ಸುಣ್ಣದ ಪುಡಿಯನ್ನು ಸೇರಿಸಿ ದಪ್ಪನಾಗಿ ಹಚ್ಚಿ ಬಟ್ಟೆ ಕಟ್ಟಿದರೆ. ಉಗುರು ಸುತ್ತು ಎರಡು, ಮೂರು ದಿನಗಳಲ್ಲಿ ವಾಸಿಯಾಗುತ್ತದೆ.

23. ಬಾವು ಮತ್ತು ನೋವಿಗೆ: ದೇಹದ ಯಾವುದೇ ಭಾಗದಲ್ಲಿ ಬಾವು (ಊತ) ಮತ್ತು ನೋವು ಇದ್ದರೆ, ಲೋಳೆಸರದ ಒಳಪದರಕ್ಕೆ ಅರಿಶಿನದ ಪುಡಿ ಸೇರಿಸಿ ಅರೆದು ಕಟ್ಟಿದರೆ ಬಾವು ಮತ್ತು ನೋವು ಕಡಿಮೆಯಾಗುವುದು.

24. ಅರಿಶಿನ ಕಾಮಾಲೆ, ಗುದದ್ವಾರದಲ್ಲಿರುವ ನೋವಿಗೆ ಅರಿಶಿನದ ಕೊಂಬನ್ನು – ನೀರಿನಲ್ಲಿ ತೇಯ್ದು, ಮಜ್ಜಿಗೆಯಲ್ಲಿ ಕದಡಿ ಕುಡಿದರೆ ಆಮಶಂಕೆ, ಅರಿಶಿನ ಕಾಮಾಲೆ, ಮೂಲವ್ಯಾಧಿಯು ಗುಣವಾಗುವುದು.

25. ಹೃದಯ ದೌರ್ಬಲ್ಯ: ಹೃದಯ ದೌರ್ಬಲ್ಯಕ್ಕೆ ಅರಿಶಿನದ ಕೊಂಬನ್ನು ಸುಟ್ಟ * ಮೊದಿಯನ್ನು ಹಸುವಿನ ತುಪ್ಪ ಹಾಗೂ ತೆಂಗಿನ ಹಾಲಿನಲ್ಲಿ ಹಾಕಿ ಚೆನ್ನಾಗಿ ಮಸೆಯಬೇಕು. ಇದನ್ನು ಪ್ರತಿನಿತ್ಯ ಎರಡುಬಾರಿಯಂತೆ, ಹಲವು ದಿನಗಳು ಮಾಡಿದರೆ ಹೃದಯ ದೌರ್ಬಲ್ಯ ನಿವಾರಣೆಯಾಗುತ್ತದೆ.

26. ಹೃದಯ ದೌರ್ಬಲ್ಯ: ಹೃದಯ ದೌರ್ಬಲ್ಯಕ್ಕೆ ಇನ್ನೊಂದು ರೀತಿಯಲ್ಲಿ ಔಷಧ ೧/೨ ಚಮಚ ಅರಿಶಿನದ ಪುಡಿ, ೧/೨ ಚಮಚ ಬೆಲ್ಲದ ಪುಡಿ ಮಿಶ್ರಮಾಡಿ ಸೇವಿಸಬೇಕು. ೧/೨ ಘಂಟೆಗಳ ಕಾಲ ನೀರು ಸೇವಿಸಬಾರದು. ಇದನ್ನು ದಿನಕ್ಕೆ ಒಂದು ಬಾರಿ ಸೇವಿಸುತ್ತಾ ಬಂದರೆ, ಹೃದಯ ದೌರ್ಬಲ್ಯ ಗುಣಮುಖ ವಾಗುವುದು.

27. ಮಧುಮೇಹಿಗಳಿಗೆ: ಮಧುಮೇಹಿಗಳಿಗೆ ಇದು ಅತ್ಯಂತ ಉಪಕಾರಿ. ೧/೨ ಚಮಚ ಶುದ್ಧ ಅರಿಶಿನದ ಪುಡಿ, ೧/೨ ಚಮಚ ಜೇನುತುಪ್ಪ ಸೇರಿಸಿ, ಸೇವಿಸಿದರೆ ಮಧುಮೇಹ ಕಡಿಮೆಯಾಗುವುದು.

28. ಮಧುಮೇಹ ಮತ್ತು ಅರಿಶಿನ ಕಾಮಾಲೆ: ಅರಿಶಿನದ ಕೊಂಬು ಮತ್ತು ನೆಲ್ಲಿಚೆಟ್ಟು (ಒಣಗಿರುವ ನೆಲ್ಲಿಕಾಯಿ) ಸಮಪ್ರಮಾಣದಲ್ಲಿ ನುಣ್ಣಗೆ ಪುಡಿ ಮಾಡಿ ಇದನ್ನು ಬಟ್ಟೆಯಲ್ಲಿ ಶೋಧಿಸಿ, ನುಣುಪಾದ ಪುಡಿಯನ್ನು ಬಿಸಿ ನೀರಿನೊಂದಿಗೆ ಸೇವಿಸು ತ್ತಿದ್ದರೆ, ಮಧುಮೇಹ ಮತ್ತು ಅರಿಶಿನ ಕಾಮಾಲೆ ರೋಗ ನಿವಾರಣೆಯಾಗುತ್ತದೆ.

ಅರಿಶಿನವು ರುಚಿಯಲ್ಲಿ ಒಗರು ಮತ್ತು ಖಾರಗಳಿಂದ ಕೂಡಿದೆ. ಇದು ಉಷ್ಣಗುಣ ವುಳ್ಳದ್ದು, ಇದು ಚರ್ಮದ ಬಣ್ಣವನ್ನು ಸುಂದರಗೊಳಿಸುವುದು. ರಕ್ತದೋಷ, ಚರ್ಮ ಸಂಬಂಧ ರೋಗಗಳು, ಗಾಯಗಳು, ಶರೀರದ ಒಳಗೆ, ಹೊರಗೆ ಎರಡೂ ಭಾಗಗಳಲ್ಲೂ ಆರೋಗ್ಯವನ್ನು ನೀಡುತ್ತದೆ.