ಖ್ಯಾತ ಬರಹಗಾರ ಡಾ/ ಅಜಯ್ ಕುಮಾರ್ ಮಗ ಅರ್ಜನ್ ನಾಯಕನಾಗಿ ಸ್ಯಾಂಡಲ್ ವುಡ್ ಗೆ ಎಂಟ್ರಿ

ನೂತನ ಚಿತ್ರಕ್ಕೆ ಕಥೆ ಬರೆಯುತ್ತಿದ್ದಾರೆ “ಮಾಸ್ಟರ್ ಪೀಸ್” ಖ್ಯಾತಿಯ ಮಂಜು ಮಾಂಡವ್ಯ.

ಕಳೆದ ಕೆಲವು ವರ್ಷಗಳಿಂದ ಕನ್ನಡ ಚಿತ್ರರಂಗದಲ್ಲಿ ಉತ್ತಮ ಬರಹಗಾರರಾಗಿ ಗುರುತಿಸಿಕೊಂಡಿರುವವರು ಅಜಯ್ ಕುಮಾರ್.

ತಾಯಿ ಇಲ್ಲದ ತವರು” ” ತವರಿನ ತೊಟ್ಟಿಲು “, ” ತವರಿಗೆ ಬಾ ತಂಗಿ ಆಟೋಶಂಕರ್ ಸಂತ ನಂದ ಲವ್ಸ್ ನಂದಿತ ಹೀಗೆ ಒಂದಕ್ಕಿಂತ ಒಂದು ಸೂಪರ್ ಹಿಟ್ ಚಿತ್ರಗಳಿಗೆ ಅಜಯ್ ಕುಮಾರ್ ಬರಹಗಾರರಾಗಿ ಕಾರ್ಯ
ನಿರ್ವಹಿಸಿದ್ದಾರೆ. ಒಂದು ಕಾಲದಲ್ಲಂತೂ ಅಜಯ್ ಕುಮಾರ್ ಅವರ ಬರವಣಿಗೆ ಇದೆ ಅಂದರೆ ತಕ್ಷಣ ಚಿತ್ರಗಳ ವ್ಯಾಪಾರ ಆಗುತ್ತಿತ್ತು. ಕನ್ನಡ ಚಿತ್ರರಂಗದಲ್ಲಿ ಅಂತಹ ಸಾಧನೆ ಮಾಡಿದ್ದಾರೆ ಅಜಯ್ ಕುಮಾರ್.

ಇವರ ಪುತ್ರ ಅರ್ಜುನ್ ನಾಯಕನಾಗಿ ಸ್ಯಾಂಡಲ್ ವುಡ್ ಪ್ರವೇಶಿಸಲಿದ್ದಾರೆ. ಆರಡಿ ಎತ್ತರದ ಈ ಸುರದ್ರೂಪಿ ನಟ, ನಾಯಕನಾಗಲು ಬೇಕಾದ ಎಲ್ಲಾ ಪೂರ್ವ ತಯಾರಿಯನ್ನು ಮಾಡಿಕೊಂಡಿದ್ದಾರೆ. ಈ ನೂತನ ಚಿತ್ರ ಜೂನ್ ನಲ್ಲಿ ಆರಂಭವಾಗಲಿದೆ.

ಅಜಯ್ ಕುಮಾರ್ ಅವರೆ ಮೂಲತಃ ಕಥೆಗಾರರಾಗಿದ್ದರೂ, ಮಗನ ಚಿತ್ರಕ್ಕೆ ಅವರು ಕಥೆ ಬರೆಯುತ್ತಿಲ್ಲ. ಖ್ಯಾತ ಬರಹಗಾರ ಹಾಗೂ ರಾಕಿಂಗ್ ಸ್ಟಾರ್ ಯಶ್ ಅಭಿನಯದ “ಮಾಸ್ಟರ್ ಪೀಸ್” ಚಿತ್ರದ ನಿರ್ದೇಶಕ ಮಂಜು ಮಾಂಡವ್ಯ ಈ ನೂತನ ಚಿತ್ರಕ್ಕೆ ಸ್ಕ್ರಿಪ್ಟ್ಸಿ ದ್ದಪಡಿಸುತ್ತಿದ್ದಾರೆ.ಲವ್ ಆಕ್ಷನ್ ಕಥಾಹಂದರ ಹೊಂದಿರುವ ಈ ಚಿತ್ರದ ಕಥೆಯನ್ನು ಯುವಪೀಳಿಗೆಗೆ ಹಿಡಿಸುವ ಹಾಗೆ ಮಂಜು ಮಾಂಡವ್ಯ ಅವರು ಬರೆಯುತ್ತಿದ್ದಾರೆ. ಚಿತ್ರದ ತಾರಾಗಣ ಹಾಗೂ ತಾಂತ್ರಿಕವರ್ಗದ ಬಗ್ಗೆ ಸದ್ಯದಲ್ಲೇ ಮಾಹಿತಿ ಹೊರ ಬರಲಿದೆ.