ಸೂರ್ಯೋದಯ ಮೂವೀಸ್ ಲಾಂಛನದಲ್ಲಿ ನಾಗಳ್ಳಿ ಅನಂತರತ್ನಮ್ಮ ನಿರ್ಮಿಸಿರುವ ನೇಗಿಲ ಒಡೆಯ ಇದೇ ವಾರ ರಾಜ್ಯಾದ್ಯಂತ ತೆರೆಗೆ ಬರಲಿದೆ ಸಾಮಾನ್ಯ ರೈತನೊಬ್ಬ ವಿಶ್ವಮಟ್ಟದಲ್ಲಿ ಸಾಧನೆ ಮಾಡುವ, ಲವ್, ಸೆಂಟಿಮೆಂಟ್ ಜೊತೆಗೆ ರೈತರ ಪರ, ವಿದ್ಯಾರ್ಥಿಗಳಿಗೆ ಸಂದೇಶ ಹೇಳುವ ಚಿತ್ರ ಇದಾಗಿದೆ.
ಎನ್. ಕೃಷ್ಣಮೋಹನ್ ಶೆಟ್ಟಿ ಕಥೆ, ಚಿತ್ರಕಥೆ ಸಂಭಾಷಣೆ ಬರೆದು ನಿರ್ದೇಶನ ಮಾಡಿರುವ ಚಿತ್ರಕ್ಕೆ ವಿಕ್ಟರಿ ಡ್ಯಾನಿಯಲ್ ಸಂಗೀತ, ಎಸ್.ಬಾಲು ಛಾಯಾಗ್ರಹಣ, ಅನಿಲ್ ಚಿನ್ನು ಸಂಕಲನ, ಹೇಮಂತರಾಜು, ಮಂಜು, ಸಿಎನ್.ಮೂರ್ತಿ ಅವರ ಸಾಹಿತ್ಯ, ನಿತಿನ್ ರಾಜ್ ಹಿನ್ನೆಲೆ ಸಂಗೀತ, ಕ್ರೇಜಿ ಶ್ರೀದರ್ ನೃತ್ಯ, ಸಿಎನ್.ಮೂರ್ತಿ ಅವರ ಸಹನಿರ್ದೇಶನವಿದೆ.
ಚಿತ್ರದಲ್ಲಿ ಭಾನುಪ್ರಕಾಶ್, ಪ್ರಿಯಾ ಪಾಂಡೆ ನಾಯಕ ನಾಯಕಿಯಾಗಿ ಅಭಿನಯಿಸಿದ್ದು, ಉಳಿದಂತೆ ಅಮರನಾಥ್ ಆರಾಧ್ಯ, ಶ್ರೀಬಲರಾಮ್, ವಿಕೆ.ಮೂರ್ತಿ, ಜಿಮ್ ಶಿವು, ಬಳ್ಳಾರಿ ಮಂಜು, ಅಶೋಕ್ ನಾಗರಾಜ್, ಹೇಮಂತ್ ಯುನಿಸ್, ಅಜಿತ್, ವೆಂಕಟೇಶ್, ವಿಕೆ.ಬಸಪ್ಪ, ನಾಗಭೂಷಣ್ ಮುಂತಾದವರ ತಾರಾಗಣವಿದೆ.
