ಜಮಾಲಿಗುಡ್ಡ ಟೀಸರ್ ರಿಲೀಸ್,ಡಿಸೆಂಬರ್ 30ಕ್ಕೆ ಸಿನಿಮಾ ರಿಲೀಸ್

ನಿರೀಕ್ಷೆ ಹೆಚ್ಚಿಸಿದ ಟೀಸರ್ ಮಾಸಿಗೆ ಮಾಸ್ ಕ್ಲಾಸಿಗೆ ಕ್ಲಾಸ್,ಡಿಸೆಂಬರ್ 30ಕ್ಕೆ ಸಿನಿಮಾ ರಿಲೀಸ್

ಜಮಾಲಿ ಗುಡ್ಡ ಟೀಸರ್ ಏಕ್ ಧಮ್ ಸ್ಪೆಷಲ್ ಆಗಿದೆ. ಸಿನಿಮಾಟೋಗ್ರಫಿ, ಮ್ಯೂಸಿಕ್, ಆರ್ಟಿಸ್ಟ್ ಎಲ್ಲೂ ಸಮನಾಗಿ ಸದಭಿರುಚಿಯ ಪಾಕವನ್ನ ಉಣಬಡಿಸುತ್ತಿದೆ. ಕ್ಲಾಸಿಗೆ ಕ್ಲಾಸ್ ಆಗಿ ಮಾಸಿಗೆ ಮಾಸ್ ಆಗಿ, ಒಂದೊಂದು ಸುಂದರ ಪಯಣದ ಜೊತೆಗೆ ಒಂದಾನೊಂದು ಕಾಲದಲ್ಲಿ ನಡೆದ ಕಥೆಯೊಂದನ್ನ ಹೇಳೋದಕ್ಕೆ ಜಮಾಲಿಗುಡ್ಡ ತಂಡ ಈ ಟೀಸರ್ ಝಲಕ್ ನ ಬಿಟ್ಟಂತೆ ಭಾಸವಾಗ್ತಿದೆ. ಅದ್ರ ಜೊತೆಗೆ ಡಿಸೆಂಬರ್ 30ಕ್ಕೆ ರಾಜ್ಯಾದಾದ್ಯಂತ ಪ್ರೇಕ್ಷಕರೆದುರಿಗೆ ಬರ್ತಿದ್ದೀವಿ. ದು ಜಸ್ಟ್ ಟೀಸರ್ ಅಷ್ಟೇ ಇನ್ನೂ ವಿಷ್ಯಾ ಬಹಳ ಇದೆ ಅಂತಿದೆ.

ನಿಮಗೆಲ್ಲಾ ಗೊತ್ತಿರೋ ಹಾಗೇ… ಜಮಾಲಿ ಗುಡ್ಡ ಡಾಲಿ ಧನಂಜಯ, ಯಶ್ ಶೆಟ್ಟಿ, ಅದಿತಿ ಪ್ರಭುದೇವಾ, ಭಾವನಾ, ಬೇಬಿ ಪ್ರಾಣ್ಯ, ಪ್ರಕಾಶ್ ಬೆಳವಾಡಿ, ನಂದ ಗೋಪಾಲ್ ಸೇರಿ ದೊಡ್ಡ ತಾರಾಬಳಗವಿರೋ ಮುಖ್ಯ ಭೂಮಿಕೆಯಲ್ಲಿರೋ ಜಮಾಲಿ ಗುಡ್ಡ ಚಿತ್ರದ ಟೀಸರ್ ರಿಲೀಸ್ ಆಗಿದೆ. ಕುಶಾಲ್ ಗೌಡ ನಿರ್ದೇಶನ, ನಿಹಾರಿಕ ಮೂವೀಸ್ ಬ್ಯಾನರ್ ನಡಿಯಲ್ಲಿ ಶ್ರೀಹರಿ ರೆಡ್ಡಿ ನಿರ್ಮಾಣದ ಈ ಚಿತ್ರಕ್ಕೆ ಅರ್ಜುನ್ ಜನ್ಯ ಸಂಗೀತ ಸಂಯೋಜಿಸಿದ್ದಾರೆ. ಈಗಾಗ್ಲೇ ರಿಲೀಸ್ ಆಗಿರೋ ಸಾಗಿದೆ ಹಾಡು ಪ್ರೇಕ್ಷಕರ ಮನ ಸೆಳೆದಿದೆ. ಇದೀಗ ಚಿತ್ರದ ಟೀಸರ್ ರಿಲೀಸ್ ಮಾಡಿರೋ ಚಿತ್ರತಂಡ ಸಿನಿಮಾ ಡಿಸೆಂಬರ್ 30ಕ್ಕೆ ಬಿಡುಗಡೆ ಅಂತ ರಿಲೀಸ್ ಡೇಟ್ ನ ಅನೌನ್ಸ್ ಮಾಡಿದೆ.

ಒಟ್ಟಾರೆ ಜಮಾಲಿಗುಡ್ಡದ ಟೀಸರ್ ಪ್ರಾಮಿಸಿಂಗ್ ಆಗಿ ಕಾಣ್ತಿದೆ. ಎಲ್ಲಾ ರೀತಿಯಲ್ಲೂ ರಂಜಿಸೋ ಭರವಸೆಯನ್ನ ಹುಟ್ಟಿಸಿದೆ.