ಪ್ರಸಿದ್ಧ್ ಸಿನೆಮಾಸ್ ಲಾಂಛನದಡಿ ಮೂಡಿ ಬರುತ್ತಿರುವ ಭರ್ಜರಿ ಗಂಡು ಚಿತ್ರದ “ಸುಕ್ಕಾ ಸಾರಾಯಿಗಿಂತ ಡೇಂಜರ್ರು ಹುಡ್ಗಿರು” ಹಾಡಿಗೆ ಭರ್ಜರಿ ಪ್ರತಿಕ್ರಿಯೆ ಬರುತ್ತಿವೆ.. ಈಗಾಗಲೇ ಟ್ರೇಲರ್ಗೆ ಸಕ್ಕತ್ ರೆಸ್ಪಾನ್ಸ್ ಸಿಗುತ್ತಿದ್ದು.
ಫೈಟ್ಸ್ ಹಾಗು ದೃಶ್ಯಗಳು ಜನರ ಮನಸ್ಸನ್ನು ಗೆದ್ದಿದೆ. ಇನ್ನೂ ಹಾಡಿನಲ್ಲಿ ಬರುವ, “ಸಕ್ಕರೆ ಸಕ್ಕರೆ ಬೊಂಬೆಯು ಸಿಕ್ಕರೆ ಬಿಡೋದು ಹೆಂಗಮ್ಮಿ, ನಕ್ಕರೆ ನಕ್ಕರೆ ನನ್ನ ನೋಡಿ ನಕ್ಕರೆ ಬದ್ಕೋದು ಹೆಂಗಮ್ಮಿ” ಎಂಬ ಪಂಚಿಂಗ್ ಸಾಲುಗಳನ್ನು ಪ್ರೇಕ್ಷಕರು ಮನಸಾರೆ ಮೆಚ್ಚಿ ಸೋಶಿಯಲ್ ಮೀಡಿಯಾದಲ್ಲಿ ಶೇರ್ ಮಾಡುತ್ತಿದ್ದಾರೆ.
ಸೂಪರ್ ಹಿಟ್ ಹಾಡುಗಳ ಸರದಾರ, ಸಾಹಿತಿ-ನಿರ್ದೇಶಕ ಭರ್ಜರಿ ಚೇತನ್ ಕುಮಾರ್ ಈ ಹಾಡಿಗೆ ಸಾಹಿತ್ಯ ಬರೆದಿದ್ದಾರೆ. ಈ ಹಾಡನ್ನು ಕನ್ನಡಿಗರಿಗೆ ಸುಕ್ಕಾ ಕಂಠ ಎಂದೇ ಪ್ರಸಿದ್ಧಿಯಾಗಿರುವ ನವೀನ್ ಸಜ್ಜು ಹಾಗೂ ಅನಿರುದ್ದ್ ಶಾಸ್ತ್ರಿ ಅದ್ಭುತವಾಗಿ ಹಾಡಿದ್ದಾರೆ.
ಭಜರಂಗಿ ಖ್ಯಾತಿಯ ಮೋಹನ್ ನೃತ್ಯವನ್ನು ಸಂಯೋಜಿಸಿದ್ದಾರೆ. ಚಿತ್ರಕ್ಕೆ ಗಮ್ಮಿನೇನಿ ವಿಜಯ್ ಸಂಗೀತ ನೀಡಿದ್ದು, ಈ ಹಿಂದೆ ಖ್ಯಾತ ಸಂಗೀತ ನಿರ್ದೇಶಕ ಅರ್ಜುನ್ ಜನ್ಯರಿಗೆ ಸಹಾಯಕರಾಗಿದ್ದರು. ಚಿತ್ರಕ್ಕೆ ಛಾಯಾಗ್ರಾಹಕರಾಗಿರುವ ಕಿಟ್ಟಿ ಕೌಶಿಕ್ ಈ ಹಾಡನ್ನು ಅದ್ಭುತವಾಗಿ ಸೆರೆ ಹಿಡಿದಿದ್ದಾರೆ.
ಈ ಹಿಂದೆ ರತ್ನ ಮಂಜರಿ ಎಂಬ ವಿಭಿನ್ನ ಚಿತ್ರವನ್ನು ನಿರ್ದೇಶಿಸಿ ಯಶಸ್ಸು ಗಳಿಸಿದ್ದ ಪ್ರಸಿದ್ಧ್ ಈ ಚಿತ್ರವನ್ನು ನಿರ್ದೇಶನ ಮಾಡುತ್ತಿದ್ದಾರೆ. ಈ ಚಿತ್ರಕ್ಕೆ ಮಳವಳ್ಳಿ ಸಾಯಿಕೃಷ್ಣ ಸೊಗಸಾದ ಸಂಭಾಷಣೆ ಬರೆದಿದ್ದಾರೆ. ತಾರಾಗಣದಲ್ಲಿ ಕಿರಣ್ ರಾಜ್(ಕನ್ನಡತಿ ಧಾರಾವಾಹಿ ಖ್ಯಾತಿಯ), ಯಶ ಶಿವಕುಮಾರ್ ಹಾಗು ಇನ್ನಿತರು ಇದ್ದಾರೆ. ಚಿತ್ರಕ್ಕೆ ಪ್ರಸಿದ್ಧ್ ಸಿನಿಮಾಸ್, ಮದನ್ ಗೌಡ.ಜೆ.ಎಸ್. ಅನಿಲ್ ಕುಮಾರ್. ಡಿ ಬಂಡವಾಳ ಹಾಕಿದ್ದಾರೆ. ಜೊತೆಗೆ ರಮೇಶ್ ರೆಡ್ಡಿ, ಸುದರ್ಶನ್ ಸುಂದರ್ ರಾಜ್ ಸಹ ನಿರ್ಮಾಪಕರಾಗಿದ್ದಾರೆ.
