ಕಳೆದ ತಿಂಗಳು ಬಿಡುಗಡೆ ಕಂಡು ಭರ್ಜರಿ ಸದ್ದಿನೊಂದಿಗೆ ಇಪ್ಪತ್ತೈದನೇ ದಿನದತ್ತ ಮುನ್ನುಗ್ಗುತ್ತಿರುವ “90 ಬಿಡಿ ಮನೀಗ್ ನಡಿ” ಚಿತ್ರದ ಪ್ಯಾಥೋ ವಿಡಿಯೋ ಸಾಂಗ್ ಬಿಡುಗಡೆ ಮಾಡಲಾಗಿದೆ. ಅಮ್ಮ ಟಾಕೀಸ್ ಬ್ಯಾನರ್ ಅಡಿ ನಿರ್ಮಾಣಗೊಂಡ ಬಿರಾದಾರ್ ನಟನೆಯ ಐನೂರನೇ ಚಿತ್ರದ ಈ ಹಾಡು A2 ಮ್ಯೂಸಿಕ್ ಚಾನೆಲ್ ನಲ್ಲಿ ಬಿಡುಗಡೆ ಕಂಡಿದೆ.
“ಬಾಳು ನರಕ ಈಗ” ಎಂಬ ಡಾ. ನಾಗೇಂದ್ರ ಪ್ರಸಾದ್ ಸಾಹಿತ್ಯದ ಸಾಲುಗಳಿಗೆ ಡಾ. ರಾಜೇಶ್ ಕೃಷ್ಣನ್ ದನಿಯಾಗಿದ್ದಾರೆ. ಚಿತ್ರದಲ್ಲಿ ಈ ಹಾಡು ಕಂಡವರ ಮನ ಮುಟ್ಟಿದ್ದು ಇದೀಗ ಯೂಟ್ಯೂಬ್ ನಲ್ಲೂ ಮನ ಸೆಳೆಯುತ್ತಿದೆ. 
ಉಮೇಶ್ ಬಾದರದಿನ್ನಿ ಮತ್ತು ನಾಗರಾಜ್ ಅರೆಹೊಳೆ ಜಂಟಿಯಾಗಿ ನಿರ್ದೇಶಿಸಿರುವ ಸಿನಿಮಾದ ಈ ಹಾಡಿನಲ್ಲಿ ಕುಡಿತದ ದುಷ್ಪರಿಣಾಮಕ್ಕೆ ದೃಶ್ಯ ರೂಪ ಕೊಟ್ಟಿದ್ದು, ಹಾಡು ಕುಡುಕರ ಕಣ್ತೆರೆಸುವಂತಿದೆ. ಸಂಸಾರದ ಜಂಜಾಟದ ತುಣುಕುಗಳು ಜೊತೆ ಸೇರಿದ್ದರಿಂದ ಹೆಂಗೆಳೆಯರ ಮನತುಂಬಿ ಬರುತ್ತಿದೆ. ಒಟ್ಟಿನಲ್ಲಿ ಚಿತ್ರ ಈಗಾಗಲೇ ಜನಮನ ಗೆದ್ದಿದ್ದು ಹಾಡು ಸದ್ದು ಮಾಡುತ್ತಿದೆ.
